قصيده للجرمي علمتني ليام ذي ما يحسبك لاتحسبه
 

يسر امور العبد يارحمان ورزقني الصواب
واستغفرك يارب من زلات نفسي المذنبه
جليت يامن تقبل التوبه اذاما العبدتاب
قال الولع ياناس من شل الثقل بايتعبه
لابديردى به ويوصل للمهالك والعذاب
كم هيه وصايا من قديم الدهر قد هيه مجربه
دارا بتدخل به حجار الظلم اخره الخراب
طبعا وحبل الكذب بايقصر بيد من قاس به
وترجع الحيله على المحتال وايصبح معاب
ومن يقول الصدق والحق كان دايم مطلبه
لاضاقه الدنيا بوجهه ينفتح له الف باب
دايم مصير الحق بايرجع الى يد صاحبه
هذه حقيقه ما يغيرها التحايل والحراب
ومن ظلم ريح المظالم سوف تلك قاربه
مهما يطول الوقت من جنس العمل يلقا الحساب
طبع الزمن دوار والاحوال شف متقلبه
هذه هي الدنيا وهذا حالها للانقلاب
علمتني ليام ذي ما يحسبك لاتحسبه
وحذر حذر تصبح فريسه للثعالب والذئاب
فمن نوي ياصاح يتعشي بك انت تغد به
تغد به ورمه بقايا ما تبقى للكلاب
لاتامن الغدار لاتامن عليه لاتصحبه
من باع لك شف بايبيعك ما يحسب لك حساب
وكل من لايتعض من العبر والتجربه
ماظن بعد اليوم يتعلم ترى من خاب خاب
فمن فشل لاتغتدي به او بنصحا تطلبه
من ظل طريقه ياعزيزي كيف يهديك الصواب
وصاحبا مابع خبرته ياعزيزي جربه
سيتضح ما يحتويه الخط بعنوان الكتاب